E'tiboringizga juda ham oddiy bo'lgan pechenya retseptini taqdim etamiz. Taomnoma uchun chinakam yangilik. Tayyorlanishi oddiy, natijasi esa sizni lol qoldirishi turgan gap. Dasturxon davrasida barcha uchun ma'qul bo'ladi. Ushbu retseptni albatta sinab ko'ring!
Kerakli masalliqlar:
100 gramm saryog'
150 gramm har qanday turdagi pishloq
2 dona tuxum
1 choy qoshiq tuz
1 choy qoshiq qizil, shirin qalampir kukuni
2 choy qoshiq quritilgan ko'katlar jamlanmasi
2 choy qoshiq qabartma
150-200 gramm un
Tayyorlash usuli:
1. Pishloqni qirg'ichning kichik tomonidan chiqaring.
2. Saryog'ni tuz bilan aralashtiring.
3. Saryog' va tuxumni birlashtiring.
4. Qizil qalampir va quritilgan ko'katlar jamlanmasini soling.
5. Aralashtiring.
6. Pishloqni soling va aralashtiring.
7. Un va qabartmani solib, xamir qoring.
8. Xamirni 5-7 mm qalinlikda yoying. Maxsus qolipchalar yordamida shakllar chiqaring.
9. Pergament qog'ozi yozilgan pishirish qolipiga tayyorlangan pechenyalarni tering. 180 darajada qizdirilgan gaz pechida 20-25 daqiqa davomida pishiring.
10. Tayyor, nozik va mazali pechenyalarni sovuting va yaqinlaringizga taqdim eting.
Yoqimli ishtaxa!