Yumshoq va mazali belyashlar. Juda ham mazali. Taomnoma uchun yangilik. Tayyorlanishi oddiy, natijasi esa yaqinlaringizni lol qoldirishi turgan gap. Ushbu retseptni albatta tayyorlang !
Kerakli masalliqlar :
Xamir uchun :
400 ml sut
10 gramm xamirturush
1 osh qoshiq shakar
50 ml o'simlik yog'i
1 dona tuxum
1 choy qoshiq tuz
600-700 gramm un
Asosiga :
500 gramm laqm go'sht
200 gramm piyoz
50 ml sovuq suv
Tuz va murch
Shuningdek :
O'simlik yog'i
Tayyorlash usullari :
1. Birinchi navbatda xamirni tayyorlang. Sutni isiting, shakar va xamirturushni solib, aralashtiring.
2. Xamirturushli aralashmaga 250 gramm unni soling va aralashtiring. Tayyorlangan massani issiq joyga hajmi ko'tarilishi uchun olib qo'ying.
3. Xamirturushli massa tayyor bo'lgandan so'ng, tuxum, o'simlik yog'i va tuzni soling. Aralashtiring.
4. Qolgan un qismini soling va xamir qoring. Xamirni issiq joyga qo'ying. Bu vaqt mobaynida xamir hajmi 2 baravarga ko'tarilishi lozim.
5. Asosni tayyorlang. Piyozni tozalang va mayda shaklda to'rg'ang.
6. Go'shtni go'sht qiymalagichdan chiqaring.
7. Go'sht va piyozni birlashtiring va suv qo'shib aralashtiring.
8. Tuz va murchni soling.
9. Xamirni tuxum hajmidagi bo'laklarga bo'ling.
10. Xamirni 3-4 mm qalinlikda yoying.
11. Tayyorlangan asosdan soling.
12. Belyashlarni yopiq holda tayyorlash ham mumkin. Hohishingizga ko'ra belyashlarni berkiting.
13. Tovada qizdirilgan yog'da birinchi navbatda belyashlarni ochiq qismini pastga qilgan holda, 7-8 daqiqa davomida pishiring.
14. Belyashlarni ikkinchi tomonini ham 7-8 daqiqa davomida pishiring.
15. Tayyor va mazali belyashlarni dasturxonga torting.
Yoqimli ishtaxa !