Qarsildoq xamir ostidagi nozik asos juda ham mazali ta'mni yuzaga keltiradi. Bekajonlar tayyorlashga shoshiling! Tayyorlanishi juda ham oddiy pirog retseptini taqdim etaman. Hech qanday noyob masalliqlar, murakkab bosqichlarni bajarish kerak emas. Retseptni saqlab qolishni unutmang.
Kerakli masalliqlar:
500 gramm qavatli tayyor xamir
200 gramm baliq filesi (baliq turi hohishingizga ko'ra)
400 gramm kartoshka
150 gramm piyoz
Tuz va murch
Tayyorlash usuli:
1. Piyozni tozalang va halqa shaklida to'rg'ang.
2. Baliq filesini mayda bo'laklarga bo'ling.
3. Kartoshkani yupqa, parrak shaklda kesing.
4. Qavatli xamirni pergament qog'ozi ustida 40x25 sm hajmda, 5 mm qalinlikda yoying.
5. Xamirning o'rtasiga uzunligi bo'ylab, kartoshkani soling. Tuz va murch seping.
6. Kartoshka ustidan piyoz, baliq go'shtini soling. Tuz va murch seping.
7. Xamir chetlarini 3sm hajmda kesib chiqing.
8. Kesilgan xamir chetlarini o'rib chiqing.
9. Pirogni pergament qog'ozi bilan birga pishirish qolipiga qo'ying. 180 darajada qizdirilgan gaz pechida 40-50 daqiqa davomida pishiring.
10. Hushbo'y, ishtaxa ochar isi xonadoningizni egallagan tayyor pirogni dasturxonga torting.
Yoqimli ishtaxa!