Ajoyib pirog ! Qarsildoq xamir, nozik va mazali asos. Tayyorlanishi oddiy, natijasi esa dasturxon davrasida barchani lol qoldirishi turgan gap. Taomnoma uchun chinakam yangilik. Ushbu retseptni albatta tayyorlang !
Kerakli masalliqlar :
500 gramm tayyor qavatli xamir
300 gramm o'rdak go'shti (filesi)
300 gramm shampinon
200 gramm piyoz
Tuz va murch
O'simlik yog'i
Marinad uchun :
20 ml o'simlik yog'i
1 osh qoshiq quritilgan ko'katlar jamlanmasi
1-2 dona sarimsoq donachasi
Rozmarin shoxchasi
Tuz va murch
Tayyorlash usullari :
1. Birinchi navbatda marinadni tayyorlang. O'simlik yog'iga maydalangan sarimsoqni qo'shing.
2. Quritilgan ko'katlar va tuz, murchni soling.
3. O'rdak go'shti filesini tayyorlangan marinadga soling va 20-25 daqiqa davomida qoldiring.
4. Belgilangan vaqt o'tib o'rdak go'shtini folga qog'oziga tering. Rozmarin shoxchasini qo'ying.
5. Folga qog'ozini zich qilib o'rang. Folga qog'ozidagi go'shtni pishirish qolipiga qo'ying va 180 darajada qizdirilgan gaz pechida 40-45 daqiqa davomida pishiring. So'ng, sovuting.
6. Tozalangan piyozni somoncha shaklida to'rg'ang.
7. Shampinonlarni yupqa shaklda to'rg'ang.
8. Tovada qizdirilgan yog'da avval piyozni qovuring.
9. Shampinonlarni soling. Tuz va murch seping. 10 daqiqa davomida qovuring.
10. Tayyorlangan o'rdak go'shtini titib maydalang.
11. Go'shtni qovurilgan masalliqlar bilan birlashtiring va sovuting.
12. Xamirning bir qismini 3 mm qalinlikda yoying.
13. Yoyilgan xamirni pishirish qolipi hajmiga nisbatan bir baravar kattalikda kesing.
14. Xamirni pishirish qolipiga devorlari bo'ylab soling.
15. Tayyorlangan asosni xamir ustiga soling.
16. Xamirning ikkinchi qismidan 3 mm qalinlikda pishirish qolipi hajmida yumaloq shakl hosil qiling.
17. Solingan asos ustiga yoyilgan xamirni yoping. Chetlarini yopishtiring.
18. Qolgan xamir qismlaridan chiroyli bezaklar hosil qiling.
19. Pirog ustiga tuxum sarig'i surting va bezaklarni terib chiqing. 180 darajada qizdirilgan gaz pechida 20-25 daqiqa davomida pishiring.
20. Hushbo'y, ishtaxa ochar isi xonadoningizni egallagan pirogni yaqinlaringizga tortiq qiling.
Yoqimli ishtaxa !