Mo'jizaviy desert ! Nozik, hushbo'y va juda ham mazali. Krem-bryule desertiga o'xshash biroq, yanada nozik va mazasi esa butun bir lazzatlanishni baxsh etadigan desert. Tayyorlanishi juda ham oddiy. Buni albatta tayyorlang !
Kerakli masalliqlar :
Karamel uchun :
150gramm shakar
50 ml qaynatigan suv (sovuq holda)
Krem uchun :
100 ml qaymoq
300 ml sut
1 dona tuxum + 2 dona tuxum sarig'i
100 gramm shakar
Vanilin tayoqchasi yoki 2 choy qoshiq vanilin
Saryog' qoliplarni surtish uchun
Tayyorlash usullari :
1. Birinchi navbatda pishirish qoliplarini saryog' bilaan surting. O'rtacha kattalikdagi qolipdan ham foydalanish mumkin.
2. Shakarni o'rtacha kattalikdagi kastryulkaga soling va olovga qo'ying.
3. Shakarni butunlay erigunga qadar olovda ushlab turing.
4. So'ng, 50 ml suv qo'shing va aralashtiring.
5. Tayyor karamelni qoliplarga 0,5-1 sm balandlikda quying.
6. Sut va qaymoqni aralashtiring. Olovga qo'ying. Vanilin tayoqchasini ikki qismga bo'lib soling. Qaymoqli aralashmani qaynating va vanilin tayoqchasini olib qo'ying.
7. Tuxumni shakar bilan aralashtiring.
8. Tuxum aralashmasiga nozik oqimda sutli aralashmani qo'shing va aralashtiring.
9. Tayyorlangan massani qoliplarga karamel ustidan quyib chiqing.
10. Kichik qoliplarni katta pishirish qolipiga terib chiqing.
11. Katta qolipga kichik qoliplar yarimigacha yetadigan issiq suv quying. Extiyotkorlik bilan pishirish qolipini gaz pechiga joylashtiring va 160 darajada qizdirilgan gaz pechida 40-45 daqiqa davomida pishiring.
12. Tayyor desertni sovuting va 4-6 soatga muzlatgichga qo'ying. Belgilangan vaqt o'tib, tayyor desertni yaqinlaringizga taqdim eting.
Yoqimli ishtaxa !