Ajoyib va mo'jizali desert ! Qarsildoq shakar ostidagi nozik-nozik krem sizga ajoyib lazzatlanish baxtini taqdim etishi turgan gap. Ushbu retsept tayyorlanishi juda ham oddiy bo'lib, universal desert o'rnini egallashi aniq. Buni albatta sinab ko'ring !
Kerakli masalliqlar :
500 ml qaymoq
5 dona tuxum sarig'i
70 gramm shakar
1 dona vanilin tayoqchasi yoki 2 choy qoshiq vanilin
100 gramm jigarrang shakar
Tayyorlash usullari :
1. Vanilin tayoqchasini ikki qismga bo'ling va ichki qismini pichoq yordamida ajrating.
2. Tuxum sariqlarini shakar bilan aralashtiring. Vanilinning ichki qismini tuxum aralashmasiga qo'shing va aralashtiring.
3. Qaymoqni qaynating va 10-15 daqiqa davomida sovuting.
4. Issiq qaymoqni nozik oqimda tuxum aralashmasiga quying va aralashtiring.
5. Tayyorlangan massani kichik pishirish qoliplariga bo'lib quyib chiqing.
6. Kichik pishirish qoliplarini katta pishirish qolipiga qo'ying va issiq suv quying. Suvni shunday quyingki suv kichik qoliplar yarmigacha ko'tarilsin.
7. Tayyor qolipni extiyotkorlik bilan gaz pechiga joylashtiring. 180 darajada qizdirilgan gaz pechida 40-45 daqiqa davomida pishiring. Desert tayyorligini kichik qolipni silkitib ko'rgan holda tekshiring. Tayyorlangan krem jele kabi bo'lishi lozim. Tayyor desertni butunlay sovuting.
8. Tayyor desert ustiga jigarrang shakardan yupqa qilib sepib chiqing.
9. Maxsus olov pistaletida yoki gaz pechida sepilgan jigarrang shakarni tiilla rang tusga kirgunga qadar karamellashtiring.
10. Tayyorlangan desertni butunlay sovuting. Dasturxonga torting !
Yoqimli ishtaxa !