Nomiga munosib pardek yengil va nozik bo'lgan ushbu shirinlik dasturxon davrasida barcha uchun manzur bo'lishi turgan gap. Bor yo'g'i 5 mahsulotdan tayyorlanadigan ushbu shirinlik butun bir lazzatlanishni sizga taqdim etadi.
Kerakli masalliqlar :
1 kg shakar
25 gramm jelatin (2.5 osh qoshiq)
15 gramm limon kislotasi (1 osh qoshiq)
6 gramm vanilin shakari (1 choy qoshiq)
5 gramm ichimlik sodasi (1 choy qoshiq)
Tayyorlash usullari :
1. Jelatinni 100 ml qaynatib, sovutilgan suvda uyuting. Jelatinni qog'ozida ko'rsatilgan vaqt mobaynida uyuting.
2. Shakarni 200 ml qaynatib, sovutilgan suvda 2 soatga uyutib qo'ying.
3. Suvda uyutilgan shakarni olovga qo'ying va doim aralashtirgan holda 7-8 daqiqa mobaynida qaynating.
4. Shakarga uyutilgan jelatinni qo'shing va 10 daqiqa davomida o'rtacha tezlikda ko'pirtiring.
5. Limon kislotasini qo'shing va 5 daqiqa davomida ko'pirtiring.
6. Vanilin shakarini qo'shing va 3 daqiqa ko'pirtiring.
7. Ichimlik sodasini qo'shing va 5 daqiqa ko'pirtiring.
8. Yengil va zich massa hosil bo'lishi lozim. Tayyorlangan massani 10 daqiqaga qoldiring.
9. Pergament qog'ozi yozilgan pishirish qolipiga tayyorlangan massadan choy qoshiq yoki maxsus konditer shpritsi yordamida shakllar chiqaring. Tayyor shakllarni 3-4 soatga muzlatgichga qo'ying.
10. Belgilangan vaqt o'tgach tayyor pardek yengil shirinliklarni dasturxonga torting.
Yoqimli ishtaxa !