Ushbu sous salatlar, baliqdan va makarondan tayyorlangan taomlar uchun ajoyib tanlov. Ushbu sousni kabob va go'shtli taomlar bilan ham dasturxonga tortish mumkin. Tayyorlanishi oddiy va mazali ushbu sousni albatta tayyorlang!
Kerakli masalliqlar :
50 gramm rayhon ko'kati
50 gramm parmezan pishlog'i
3 osh qoshiq kedr yong'og'i
100 gramm o'simlik yog'i
2-3 dona sarimsoq donachasi, tuz
Tayyorlash usullari :
1. Kerakli masalliqlarni tayyorlab oling. Rayhonni bo'laklarga bo'ling.
2. Sarimsoqni katta bo'laklarga kesing.
3. Pishloqni qirg'ichdan chiqaring.
4. Blender idishida rayhon, pishloq, kedr yong'og'ini birlashtiring. O'simlik yog'ini va tuz qo'shing.
5. Birlashtirilgan masalliqlarni bir xil konsistensiya hosil bo'lgunga qadar aralashtiring.
6. Tayyorlangan mazali sousni tayyorlangan taom bilan dasturxonga torting.
Yoqimli ishtaxa !
