Kechki ovqat dasturxoni uchun yoqimli taom tayyorlashni hohlaysizmi ? U holda yaqinlaringizga lazzat bag'ishlovchi ushbu ajoyib ta'mga ega bo'lgan taomni albatta tayyorlang. Tayyorlanishi juda ham oddiy. Kechki ovqat yoki bayram dasturxonida ushbu taom albatta barcha uchun manzur bo'ladi.
Kerakli masalliqlar :
1 kg yog'siz mol go'shti
1 kg shampinon
100 gramm qattiq pishloq
100 gramm yumshoq pishloq
2 dona pomidor
2 dona piyoz
Ta'bga ko'ra tuz va ziravorlar
Tayyorlash usullari :
1. Yupqa, parrak shaklda to'rg'algan shampinonlarni qizdirilgan yog'da qovuring.
2. Mayda to'rg'algan piyozni shampinon bilan birlashtiring va aralashtiring. 5 daqiqa davomida qovuring va laganga sovutish uchun suzib oling.
3. Bu vaqt mobaynida pishloq turlarini qirg'ichning katta tomonidan o'tkazing.
4. Go'shtni katta bo'lmagan bo'laklarga bo'ling. Tuz va ziravorlar seping. Oshxona bolg'achasi yordamida go'sh bo'laklarini har tomonlama urib chiqing.
5. Tayyorlangan go'sht bo'laklarini yog' surtilgan pishirish qolipiga terib chiqing.
6. Go'sht bo'laklari ustiga shampinon, pomidor bo'lagi va pishloqning ikkala turidan soling.
7. Tayyorlangan go'shtni 200 darajada qizdirilgan gaz pechida 35-40 daqiqa davomida pishiring. Belgilangan vaqt o'tib, go'sht tayyor bo'lishi bilan issiq holda dasturxonga torting.
Yoqimli ishtaxa !
Tayyorlangan go'sht har qanday garnir bilan dasturxonga tortish mumkin.