Gazak uchun ajoyib tanlov. Juda ham ajoyib ko'rinish va ta'mga ega ushbu gazak bayram dasturxonida barcha uchun manzur bo'ladi. Tayyorlanishi juda ham oddiy, tayyorlash uchun masalliqlar yilning barcha faslida mavjud.
Kerakli masalliqlar :
2 dona bodring
2 dona pomidor
1 dona bulg'or qalampiri
2 dona baqlajon
2-3 dona sarimsoq donachasi
100 gramm qattiq pishloq (ta'bga ko'ra)
Zaytun donachalari
Mayonez, tuz
Tayyorlash usullari :
1. Baqlajonlarni yumaloq shaklda kesing va tuz bilan aralashtiring. 1 soatga chetga olib qo'ying. Belgilangan vaqt o'tishi bilan kesilgan baqlajonlarni sovuq suvda yuving.
2. Baqlajonlarni har tomonini 4 daqiqa mobaynida qovuring. Qovurilgan baqlajonlarni oshxona sochig'iga qo'ying, ortiqcha yog'i ajralishi uchun.
3. Pomidor, bodring, zaytun donachalarini yupqa, yumaloq shaklda kesing.
4. Pishloq va maydalangan sarimsoqni mayonez bilan birlashtiring. Yaxshilab aralashtiring va chetga olib qo'ying.
5. Baqlajonlarni katta laganga tovus dumi shaklini berib terib chiqing. Baqlajonning ustki qismiga pomidor bo'lagi so'ng, pishloq aralashmasidan surting. Pishloqli aralashma ustidan bodring bo'lagi va zaytun bo'lagini qo'ying.
6. Tayyor gazakni 2-3 soatga muzlatgichga qo'ying.
Yoqimli ishtaxa !