Yoqimli va mazali ushbu gazak turi bayram dasturxoni uchun ajoyib tanlov. Ushbu gazakni nafaqat bayram dasturxoni uchun balik, kundalik taomlarga qo'shimcha sifatida tayyorlash ham mumkin. Ushbu mazali, tayyorlanishi oddiy bo'lgan gazak barcha uchun manzur bo'lishi turgan gap.
Kerakli masalliqlar :
250 gramm shampinon
100 gramm qattiq pishloq
4 osh qoshiq o'simlik yog'i
1 dona baget (baton noni)
1 dona bulg'or qalampiri
1 dona piyoz
Ta'bga ko'ra tuz va ko'katlar
Tayyorlash usullari :
1. Shampinon, piyoz va bulg'or qalampirini tozalab, mayda to'rg'ang.
2. Qizdirilgan yog'da piyoz, shampinon va bulg'or qalampirini birlashtirib, ta'bga ko'ra tuz, murch soling. Past olovda shampinon tayyor bo'lgunga qadar pishiring va sovuting.
3. Bagetni bo'laklarga bo'ling va ichki qismidan kovak qiling. Quyidagi rasm kabi.
4. Har bir baget bo'lagi ichiga qovurilgan sabzavotlardan zich holda solib chiqing.
5. Baget bo'laklarini pishirish qolipiga terib chiqing va ustidan qirg'ichdan o'tkazilgan pishloqdan solib chiqing. 200 darajada qizdirilgan gaz pechida 10 daqiqa mobaynida pishiring.
6. Tayyor gazakga yanada ishtaxa bag'ishlash uchun maydalangan ko'kat bilan bezating va darhol dasturxonga torting.
Yoqimli ishtaxa !