Ertalabki nonushta uchun guruch va manniy yormasidan tayyorlangan bo'tqalar joningizga tegdimi ? Kundalik menyuga o'zgartirish kiritishni hohlaysizmi ? U holda albatta ushbu retsept bo'yicha sutli sho'rvani tayyorlang. Tayyorlanishi oddiy, mazasi esa nozik va juda ham ajoyib ta'mga ega bo'lgan ushbu taom barcha yaqinlaringiz uchun manzur bo'lishi turgan gap.
Kerakli masalliqlar :
500 ml sut
50 gramm makaron mahsulotining ingichka turi
60 quyultirilgan sut (sgushonka)
15 gramm saryog'
Ta'bga ko'ra tuz va shakar
Quritilgan mevalar va yong'oq (hohishingizga ko'ra)
Tayyorlash usullari :
1. Kastryulkada sutni qaynating. Ta'bga ko'ra tuz soling va makaronni solib, past olovda 10 daqiqa davomida doim aralashtirgan holda qaynating.
2. Quyultirilgan sutni qo'shing va yana 5 daqiqa davomida qaynating.
3. Makaron butunlay tayyor bo'lgandan so'ng, saryog' va mayda to'rg'algan quritilgan mevalar va yong'oqni soling.
4. Sutli sho'rva yanada shirin bo'lishini hohlasangiz hohishingizga ko'ra shakar qo'shishingiz mumkin. Tayyor, mazali sutli sho'rvani issiq holda dasturxonga torting.
Yoqimli ishtaxa !