Omlet - ertalabki nonushta uchun tayyorlanadigan yengil taomlardan biri. Omlet turlari turli-tuman bo'lib, bugun biz sizlarga brokolli karami qo'shib tayyorlanadigan vitaminlarga boy retseptni taqdim etamiz. Bu omlet yaqinlaringiz uchun juda ham manzur bo'ladi.
Kerakli masalliqlar :
2 dona sarimsoq donachasi
2 osh qoshiq zayun yog'i
180 gramm brokolli karami
1/4 choy qoshiq qizil tuyulgan shirin qalampir
Ta'bga ko'ra tuz
6 dona tuxum
100 gramm qattiq pishloq
Tayyorlash usullari :
1. Gaz pechini 180 darajada qizdiring. Brokolli karamini mayda bo'laklarga bo'ling. Tovada qizdirilgan yog'ga brokolli karami bo'laklarini soling. Tuz, qizil va qora qalampir kukunidan seping, mayda to'rg'algan sarimsoqni soling va 2-3 daqiqa davomida qovuring.
2. Qovurilayotgan brokolli karamiga 2-3 osh qoshiq suv quying va 5-8 daqiqa davomida dimlang. So'ng, sovuting.
3. Tuxumlarni ko'pirtiring va ta'bga ko'ra tuz seping. So'ng, tuxum aralashmasini brokolli karami bilan tovada birlashtiring.
4. Tayyorlangan aralashmani 5-7 daqiqa davomida gaz pechida pishiring. So'ng, qirg'ichdan chiqarilgan pishloqni seping va 7-10 daqiqa davomida pishiring.
5. Tayyor omletga yanada mazali ta'm berish uchun maydalangan ko'kat bilan bezating va issiq holda dasturxonga torting.
Yoqimli ishtaxa !