Bo'g'irsoq - o'ra Osiyoning milliy taomlaridan biri bo'lib, ushbu yumaloq sharchalar juda ham yumshoq va mazalidir. Bo'g'irsoqlar asosan xamirturush solib qorilgan xamirdan tayyorlanganligi bois ular pardek yumshoq va juda ham mazali. Ushbu retsept bo'yicha albatta bo'g'irsoqlarni tayyorlang va yaqinlaringiz bilan baham ko'ring.
Kerakli masalliqlar :
1 dona tuxum
200 gramm smetana
1 osh qoshiq shakar
0,5 choy qoshiq tuz va ichimlik sodasi
300 gramm un
O'simlik yog'i
Tayyorlash usullari :
1. Tuxum, shakar, tuz va ichimlik sodasini birlashtiring. Birlashtirilgan mahsulotlarni yaxshilab ko'pirtiring.
2. Smetanani qo'shing va aralashtiring.
3. Unni qo'shing va o'rta qalinlikda xamir qoring.
4. Tayyor xamirni oshxona sochig'i bilan yopib, 15 daqiqaga dam bering.
5. Belgilangan vaqt o'tgandan so'ng, xamirni bir xil bo'laklarga bo'ling.
6. Har bir bo'lingan xamir bo'lagidan bir xil mayda bo'laklar kesing.
7. Mayda kesilgan xamir bo'laklarini yumaloq zuvalachalar qilib chiqing.
8. Katta bo'lmagan chuqur kastryulkada yog'ni qizdiring. Tayyorlangan bo'g'irsoqlarni soling.
9. Bo'g'irsoqlarni baland olovda 2-3 daqiqa aralashtirib, qizartirib qovuring.
10. Tayyor bo'g'irsoqlarni oshxona sochiqchasiga oling, ortiqcha yog'i ajralishi uchun.
11. Tayyor bo'g'irsoqlarga shakar kukunidan seping va issiq holda yaqinlaringizga ulashing.
Yoqimli ishtaxa !
