Nozik va hushbo'y zapekanka. Ertalabki nonushta dasturxoni uchun ajoyib tanlov. Tayyorlanishi oddiy, mazasi esa butun bir lazzatlanishni taqim etadigan ushbu zapekanka dasturxon davrasida barchaga manzur bo'lishi turgan gap. Buni albatta sinab ko'ring !
Kerakli masalliqlar :
500 ml sut
200 gramm guruch
100 gramm saryog'
3 dona tuxum
100 gramm shakar
200 gramm sabzi
300 gramm olma
100 gramm mayiz
Tayyorlash usullari :
1. Sutni qaynating va yuvilgan guruchni soling.
2. O'rta olovda guruch butunlay tayyor bo'lgunga qadar qaynating (20-25 daqiqa).
3. Belgilangan vaqt o'tgach tayyor guruchni olovdan oling va saryog' qo'shing.
4. Sabzini tozalang va qirg'ichdan chiqaring.
5. Olmani tozalang va mayda to'rtburchak shaklda to'rg'ang.
6. Tuxum oqdan sariqlarini ajrating. Tuxum sariqlariga shakar va vanilin shakarini qo'shib, aralashtiring.
7. Tuxum sariqlari aralashmasini guruch bilan birlashtiring. Mayda to'rg'algan olmani qo'shing va aralashtiring.
8. Sabzi va tozalangan mayizni qo'shib, aralashtiring (mayizni 20 daqiqaga issiq suvda uyuting).
9. Tuxum oqlarini qattiq ko'pik holigacha ko'pirtiring.
10. Guruchli massaga ko'pirtirilgan tuxum oqlarini birlashtiring va extiyotkorlik bilan aralashtiring.
11. Tayyorlangan massani saryog' surtilgan pishirish qolipiga soling. Tekislang va 180 darajada qizdirilgan gaz pechida 30-35 daqiqa davomida pishiring.
12. Belgilangan vaqt o'tib tayyor zapekankani yaqinlaringiz e'tiboriga taqdim eting.
Yoqimli ishtaxa !