Yorqin va mazali jele. Tayyorlanishi oddiy, natijasi esa sizni lol qoldirishi turgan gap. Ushbu desert dasturxon davrasida barcha uchun manzur bo'lib, shirinlikni hush ko'ruvchi bolajonlar uchun ayni muddao. Buni albatta sinab ko'ring !
Kerakli masalliqlar :
500 gramm qaymoq
100 gramm shakar
5 dona paketda tayyor jele kukuni
15 gramm jelatin
Tayyorlash usullari :
1. Har bir jeleni qog'ozida ko'rsatilgan usul bo'yicha aloxida idishlarda 0,5-1 sm qalinlikda tayyorlang. Jelelarni 3-4 soatga muzlatgichga qo'ying.
2. Belgilangan vaqt o'tib, tayyor jelelarni mayda to'rtburchak shaklida to'rg'ang.
3. Jelatinni qaynatib, sovutilgan 150 ml suvda, qog'ozida ko'rsatilgan vaqt bo'yicha uyuting.
4. Jelatinni olovga qo'ying, qaynash darajasiga olib boring. Biroq qaynatmang. Sovuting.
5. Qaymoqni shakar bilan ko'pirtiring.
6. Ko'pirtirilgan qaymoqqa uyutilgan jelatinni qo'shing va aralashtiring.
7. To'rg'algan jele bo'laklarini soling va aralashtiring.
8. Tayyor aralashmani har xil shakldagi qolipchalarga quying va 3-4 soatga muzlatgichga qo'ying.
9. Belgilangan vaqt o'tib, mazali jelelarni yaqinlaringizga ulashing.
Yoqimli ishtaxa !