Салют жақындар! Өзімше "орынды сын" рубрикасын бастайын. Мұндай рубрика бастау ойыма келмейтін еді, егер керемет таңдардың бірінде кездейсоқ, Сейф ломбардының Insta аккаунты көзіме түспегенде. Аккаунт маған қызық болып көрінгені бекер емес, осыдан бір-екі жыл бұрын таныстарым біраз жұмыс істескен болатын. Сонымен профильдің түрі төмендегідей:
Аталмыш ломбард Қазақстанның 18 қаласында ашылған, бөлімшелері алтын іздеп, Шиелі, Төретамға дейін жеткен ірі (біздің меркамен) компания. Өздерінің мобильді қосымшалары, Телеграм боттары бар. Бар болғаны үшін "+", ал олардың қалай жұмыс жасайтынын тексермедім. Ресми аккаунттары өте нашар. Биодағы ақпараттар тартымсыз, сүреңсіз. Бірде-бір смайлик қойылмаған, бұл өте үлкен "-". Смайликтердің құдреті туралы LeadsBridge командасы жасаған кейс арқылы танысып көрсеңіз болады. Сондықтанда эмодзилер өте маңызды.
Компанияның логосын әр салған фотоға қоя беру, ең үлкен кешірілмес күнәлардың бірі. SMM деген осындай болады екен ғой деп сала бергенге ұқсайды. Өте қарапайым, Pexels сияқты архивтерден тегін фотоларды аласың да, Canva арқылы компания логосын қойып, жарнамалық жаттанды сөзді жазып жіберсең болды. Бұл өте жеркенішті, және аккаунтқа жазылған жандардың жүйкесіне тиеді.
Дұрыс жасалған SMM-де логоны қайта-қайта тықпаламайды. Водный знак та қой ма. Юник фотомды ұрлап кетеді деп қорықпа, сенің жасан контентің ешкімге керек емес.
Бұл туралы жалынып тұрып "Сиқырлы SMM" кітабында жазып кеттік. Контенттің осы парақшадан шығып жатқаны онсызда түсінікті. Мұндай сатуға және танытуға арналған контенттер, жалпы ақпараттың 20% асып кетпеуі тиіс. Орнына смартфонмен түсірілген ішінде тірі адамдары бар контентті салған әлдеқайда дұрыс болар еді (жұмыс процесі, қызметкерлер).
Бизнес өз аудиториясын таныса игі. Мен білетін ломбардтардың клиенттері 90% қазақтар. Мұні өздері де біледі, сондықтан бөлімшелерін ауылдардан ашып жатыр. Дәлел ретінде коммент жазған адамдарды ерінбей зерттеп шықтым. Таза қазақтар. Демек бұкіл маркетиңдік стратегияны басынан бастап өзгерту керек деген сөз. Орысша жасағандықтан парақша белсенділігі өте төмен.
Бұл судың беті ғана. Ал астында қаптап жүрген хэштегтер, сторис пен актуальные стористер туралы, копирайтингтің жоқтығы туралы айтуға тым ерте. Қысқаша осы достар. Ешқашан осылай жасамаңыздар, таныстарыңызға да айтыңыздар. Келесі кездескенше SMM-деріңіз щарықтай берсін.