Ertalabki nonushta uchun ajoyib tanlov. Nozik va mazali bo'lgan ushbu zapekanka tayyorlanishi oddiy, tayyorlash uchun barcha masalliqlar mavjud. Dasturxon davrasida hech kimning e'tiboridan chetda qolmasligi turgan gap. Mazali tvorogli zapekanka barchaga lazzat bag'ishlaydi. Ayniqsa, tvorogni hush ko'rmaydigan bolajonlar uchun zapekankani tayyorlasangiz ularga albatta manzur bo'ladi.
Kerakli masalliqlar :
600 gramm tvorog
250 ml sut
50-100 gramm shakar
2 dona tuxum
50 gramm kraxmal
2 choy qoshiq vanilin shakari
100 gramm qurigan mevalar, yong'oq
Saryog'
Tayyorlash usullari :
1. Tuxum oqdan sariqlarini ajrating. Tuxum sariqlarini tvorog bilan birlashtiring.
2. Aralashtiring. Sutni qo'shing va aralashtiring.
3. Shakar va vanilin shakarini qo'shing va aralashtiring.
4. Kraxmalni qo'shing va aralashtiring.
5. Quritilgan mevalarni solib, aralashtiring.
6. Tuxum oqlarini ko'pirtiring.
7. Ko'pirtirilgan tuxum oqini tvorogli massaga aralashtiring.
8. Pishirish qolipini saryog' bilan surting va tvorogli massani quying.
9. Pishirish qolipiga quyilgan massa ustidan saryog' bo'lakchalarini soling. 180 darajada qizdirilgan gaz pechida 1 soat davomida pishiring. Zapekanka usti tilla rang tusga kirgunga qadar.
10. Belgilangan vaqt o'tib, tayyor zapekankani yaqinlaringizga taqdim eting.
Yoqimli ishtaxa !