Hushbo'y, muzdak va tetiklashtiruvchi ushbu ichimlik yozning jazirama kunlarida juda ham manzur bo'ladi. Uy sharoitida tabiiy mahsulotlardan tayyorlangan ushbu ichimlik barcha yaqinlaringiz uchun manzur bo'ladi. Buni albatta tayyorlang !
Kerakli masalliqlar :
1 litr gazlangan suv
450 gramm limon (3 dona)
150 gramm shakar
100 ml qaynatilgan suv
1 bog' yalpiz
Ta'bga ko'ra muz donachalari
Tayyorlash usullari :
1. 2 dona limon mevasidan sharbatini chiqaring.
2. Qolgan 1 dona limonni yupqa, yumaloq shaklda kesing.
3. 100 ml qaynatilgan suvga shakarni qo'shing, aralashtiring. Sovuting.
4. Yalpizdan barglarini ajrating.
5. Shakar solingan suv bilan limon sharbatini aralashtiring.
6. Limon bo'laklarini va yalpiz barglarini sharbatga aralashtiring.
7. Gazlangan suvni quying va aralashtiring.
8. Ta'bga ko'ra muz donachalarini qo'shing. Tayyor mazali, tetiklashtiruvchi limonadni yaqinlaringiz bilan ulashing.
Yoqimli ishtaxa !
