Yorqin va nozik desert ! Mazali bo'lgan ushbu desert har qanday dasturxon davrasida barchaga manzur bo'lishi turgan gap. Tayyorlanishi oddiy, mazasi esa nozik va hushbo'y bo'lgan ushbu desertni albatta yaqinlaringiz uchun tayyorlang va lazzatlanish baxtini taqdim eting.
Kerakli masalliqlar :
2 dona apelsin
5 dona tuxum sarig'i
300 ml sut
100 gramm shakar
20 gramm jelatin
Tayyorlash usullari :
1. Apelsin mevasi po'stini ajrating va qirg'ichdan chiqaring. Apelsin po'stini faqat sariq qismini ajrating oq qismi achchiq ta'm beradi.
2. Apelsinlar sharbatini chiqaring. Apelsin sharbati taxminan 150 ml bo'lishi lozim.
3. Apel sharbatiga jelatinni qo'shing va jelatin qog'ozida ko'rsatilgan vaqt bo'yicha uyuting.
4. Tuxum sariqlarini ko'pirtiring.
5. Sut va apelsin po'stini birlashtiring va olovga qo'yib qaynating. Qaynagandan so'ng shakarni qo'shing va aralashtiring.
6. Tuxum sariqlarini qaynab turgan sutga qo'shing va doim aralashtirgan holda quyuqlashgunga qadar qaynating.
7. Jelatinni qo'shing, aralashtiring va olovdan oling.
8. Jele uchun tayyorlangan idishga massani quying. 7-8 soatga muzlatgichga qo'ying.
9. Belgilangan vaqt o'tishi bilan tayyor pudingni yaqinlaringiz bilan baham ko'ring.
Yoqimli ishtaxa !