Sabzavotli dimlama taomini turli xil usullarda tayyorlash mumkin. Taom uchun tayyorlanadigan mahsulotlarga qo'shimcha holda go'sht mahsulotlaridan foydalanish ham mumkin. Eng asosiysi ushbu taomning tayyorlanishi oddiy, sabzavotlar esa o'zining mazali hususiyatlarini butunlay saqlab qoladi.
Kerakli masalliqlar:
2 dona qovoq (kabachki)
1 donadan piyoz va sabzi
0,5 pomidor
200 ml tomat pastasi
2 dona sarimsoq donachasi
200 ml qizil vino
1 osh qoshiq shakar
1 osh qoshiq zaytun yog'i
1 osh qoshiq saryog'
100-150 gramm qattiq pishloq
Ta'bga ko'ra tuz va ziravorlar
Tayyorlash usuli:
1. Sabzavotlarni tozalab, yuving. Hohishingizga ko'ra sabzavotlarni chiroyli shaklda to'rg'ang.
2. Tayyorlash uchun tayyorlangan idishda 1 osh qoshiqdan saryog' va zaytun yog'ini qizdiring. Tayyorlangan barcha sabzavotlarni qizdirilgan yog'da, past olovda 5 daqiqa davomida qovuring.
3. Tomat pastasi va mayda to'rg'algan pomidorni qo'shing. Ushbu retseptda pomidor konservasidan foydalanilgan.
4. 200 ml qizil sharobni qo'shing. Sharob taomga hushbo'ylik va sabzavotlarga yanada mazali ta'm bag'ishlaydi.
5. Ta'bga ko'ra tuz va ziravorlani qo'shing. Oxirgi navbatda shakarni qo'shing va aralashtiring.
6. Yengil qaynating va yarim qopqoq yopilgan holda 40 daqiqa davomida dimlang.
7. Yo'q-yo'q bu hali hammasi emas! Belgilangan 40 daqiqa o'tgandan so'ng, qirg'ichdan o'tkazilgan pishloqni soling, aralashtiring va 2-3 daqiqa tayyorlashda davom eting. Mazali, sabzavotli dimlama tayyor!
Yoqimli ishtaxa!