Bugungi kunda har xil chipsilarni iste'mol qilish odatga aylanib bormoqda. Chipsilarni tanovvul qilish sevimli kino, serialingiz yoki oila a'zolaringizning futbol tomosha qilish jarayonida odatga aylanib boryaptimi? U holda yanada mazali chipsilarni uyda tayyorlashingiz mumkin. Tayyorlanishi juda ham oddiy, mazasi esa mazali.
Kerakli masalliqlar:
2 dona banan
1 osh qoshiq o'simlik yog'i
Ta'bga ko'ra shakar, tuz, dolchin yoki yana boshqa ziravorlar qo'shish mumkin
Tayyorlash usuli:
1. Kerakli masalliqlarni tayyorlab oling.
2. Bananni po'stidan tozalang.
3. Yupqa, parrak shaklida kesib chiqing.
4. Oshxona tog'orachasida kesilgan banan, o'simlik yog'i va tanlagan ziravoringizni birlashtirib, aralashtiring.
5. Pergament qog'ozi yozilgan pishirish qolipiga bananlarni soling. 200 darajada qizdirilgan gaz pechida qattiqligini hohishingizga qarab quriting.
6. Quritilgan banan chipsilarini yaqinlaringizga ulashing.
Yoqimli ishtaxa!