"Lazzat" shirinligi nomiga munosib bo'lib, sizga va yaqinlaringizga haqiqatdan ham lazzatlanishni bag'ishlaydi. Tayyorlanishi oddiy, mazasi esa juda ham mazali. Ushbu shirinlik kechki ovqatdan so'ng yaqinlaringiz uchun ideal desert o'rnini egallashi aniq.
Kerakli masalliqlar:
3 dona tuxum
2 osh qoshiq un
2 osh qoshiq kakao kukuni
0,5 choy qoshiq qabartma
2 osh qoshiq shakar kukuni
Asosiga:
200 gramm pishloqning yumshoq turi
100 gramm saryog'
2 osh qoshiq shakar kukuni
1 osh qoshiq dolchin
Tayyorlash usuli:
1. Tuxum oqlarini sariqlardan ajrating va shakar kukuni bilan ko'pirtiring. Saryog'ni qo'shib, yengil ko'pik holiga kelguncha ko'pirtiring.
2. Ko'pirtirilgan massaga birma-bir tuxum sariqlarini qo'shib, ko'pirtiring. Un, qabartma, kakao kukunini barlashtiring va oz-ozdan unni tuxumli massaga qo'shib, aralashtiring.
3. Pergament qog'ozi yozilgan pishirish qolipiga tayyorlangan xamirni quying va tekislang. 200 darajada qizdirilgan gaz pechida 10 daqiqa davomida pishiring.
4. Tayyor korjni olib, ozgina sovuting, nam sochiq ustiga pergament qog'ozini ustiga ag'darib qo'ying. Pergament qog'ozini namlagan holda olib tashlang. Butunlay sovushini kuting va 2 ga bo'ling.
5. Korj sovugunga qadar asosni tayyorlang. Buning uchun : pishloq, saryog' va shakar kukunini birlashtiring. Birlashtirilgan mahsulotlarni bir xil massa holiga kelgunga qadar aralashtiring. Tayyor kremni korjlarga bo'lib, tekislang.
6. Krem surtilgan korjlarni extiyotkorlik bilan rulet qilib o'rang va 1 soat davomida muzlatgichga qo'ying.
7. Belgilangan vaqt o'tishi bilan shakar kukuni bilan aralashtiirlgan dolchinni rulet ustiga sepib chiqing. Katta bo'lmagan bo'laklarga bo'ling. Tayyor ruletlarni issiq choy bilan yaqinlaringizga ulashing.
Yoqimli ishtaxa!