Mo'jiza shirinligi haqiqatdan ham sizga, yaqinlaringizga butun mo'jizani va lazzatlanish baxtini taqdim etadi. Tayyorlanishi oddiy, mazasi esa barchani lol qoldirish xususiyatiga ega ushbu shirinlikni albatta tayyorlang. Yaqinlaringizga yanada hushkayfiyat bag'ishlang.
Kerakli masalliqlar:
240 gramm shakar
120 gramm un
120 gramm kakao kukuni
1/2 choy qoshiq tuz
230 gramm saryog'
4 dona tuxum
1/2 osh qoshiq vanilin
110 gramm yong'oq
75 gramm shokolad (shokolad turi ta'bingizga ko'ra)
Tayyorlash usuli:
1. Ena avvalo yong'oqlarni 180 darajada qizdirilgan gaz pechida 7-10 daqiqa davomida qovuring, so'ng sovuting.
2. Saryog'ni eriting.
3. Chuqur idishda shakar, kakao kukuni, vanilin, tuz va unni birlashtiring.
4. Eritilgan, issiq saryog'ni va un aralashmasini birlashtiring, aralashtiring.
5. So'ng, tuxumlarni qo'shing.
6. Bir xil konsistensiya hosil bo'lgunga qadar aralashtiring.
7. Maydalangan yong'oqning bir qismini, shokoladni qo'shing va yaxshilab aralashtiring.
8. Pishirish qolipiga pergament qog'ozini yozing. Shokoladli xamirni soling, tekistlang va qolgan yong'oqning bir qismini sepib chiqing. 180-200 darajada qizdirilgan gaz pechida 25-30 daqiqa davomida pishiring.
9. Tayyor bo'lgandan so'ng, pishirish qolipida butunlay sovuting. So'ng, tekis joyga pishirish qolipidan oling.
10. Tayyor shirinlikni katta bo'lmagan bo'laklarga bo'ling. Shirinlikka yanada mo'jiza bag'ishlash uchun ustki qismini qaymoqli krem bilan bezashingiz ham mumkin. Tayyor shirinlikni yaqinlaringizga tortiq qiling.
Yoqimli ishtaxa!