Bugun eng mashhur piroglardan biri qo'ziqorin va pishloqli ochiq pirogni tayyorlaymiz. Uyda tayyorlangan pirog barcha uchun sevib iste'mol qilinadigan taomlardan biridir. Ushbu pirog tushlikda, kechki ovqat dasturxonida, hattoki bayram dasturxonlarida ham barchaga manzur bo'ladi.
Kerakli masalliqlar:
Xamir uchun:
200 gramm un
100 gramm saryog'
Ta'bga ko'ra tuz
Asosiga:
500 gramm qo'ziqorin (shampinon)
200 gramm smetana
50 gramm pishloqning qattiq turi
50 garmm pishloq mosarella
200 gramm piyoz
1 dona tuxum
1 osh qoshiq saryog'
Ta'bga ko'ra tuz va murch
Tayyorlash usuli:
1. Birinchi navbatda xamirni tayyorlang. Unni tuz bilan aralashtiring va qirg'ichning katta tomonidan saryog'ni chiqaring.
2. 50 gramm sovuq suv quying va qattiq bo'lmagan xamir qoring.
3. Tayyor xamirni pishirish qolipi devorlari bo'ylab yoyib chiqing. Pirog asosini tayyorlagunga qadar xamirni muzlatgichga qo'ying.
4. Piyozni mayda, to'rtburchak shaklda to'rg'ang.
5. Qo'ziqorinlarni yuvib, yupqa parrak shaklida to'rg'ang.
6. Osh qoshiq saryog'ni tovada eriting va piyozni och qizartirib qovuring.
7. Qovurilayotgan piyozga qo'ziqorinni birlashtiring va ta'bga ko'ra tuz, murch soling. 15 daqiqa davomida dimlab pishiring.
8. Tuxum, tuz va smetanani bir xil massa holiga kelgunga qadar aralashtiring.
9. Mosarella pishlog'ini qalin bo'lmagan bo'laklarga bo'ling.
10. Qattiq pishloqni qirg'ichning katta tomonidan chiqaring.
11. 200 darajada qizdirilgan gaz pechida tayyorlangan xamirni 15 daqiqa davomida pishiring.
12. Issiq xamir ustiga qo'ziqorinli asosning bir qismini soling.
13. Qo'ziqorin ustidan masarella pishlog'ini soling.
14. Qo'ziqorinli asosning ikkinchi qismini soling va smetanali massani quying.
15. Oxirgi qatorga qirg'ichdan chiqarilgan pishloqni soling. Qizdirilgan gaz pechida 30 daqiqa davomida pirogni pishiring.
16. Natijada juda ham nozik va mazali pirog tayyorladingiz. Qo'ziqorinli pirogni issiq holda tanovvul qiling.
Yoqimli ishtaxa!