Tug’ilgan kun tortsiz o’tmaganidek, bayramlar ham mazali pishiriqlar va shirinliklarsiz o’tmaydi. Shu sabab ham bugun biz sizga mazali pirog retseptini taqdim etamiz. Tayyorlanishi oddiy masalliqlarni o'z ichiga olsada mazasi sizga butun bir lazzatlanish baxtini ulashadi. Ogohlantirib o'tamiz bu juda ham mazali. Buni albatta sinab ko'ring!
Kerakli masalliqlar:
300 gramm + 3 osh qoshiq
100 gramm saryog'
2-3- osh qoshiq asal
0,5 l smetana
200 gramm shakar
4 dona tuxum
11 gramm qabartma
Vanilin ta'bga ko'ra
1 kg olma va nok
Tayyorlash usuli:
1. 1 dona tuxum va asalni birlashtirib, aralashtiring.
2. Saryog'ni isitib yubormasdan eriting. Eritilgan saryog'ni asalli aralashmaga qo'shing, vanilinni qo'shing va aralashtiring.
3. Un va qabartmani aralashtiring. Saryog'li massaga qo'shing.
4. O'rtacha yumshoqlikda xamir qoring.
5. Pishirish qolipiga pergament qog'ozi yozing. Pishirish qolipi devorlari bo'ylab xamirni yoyib chiqing.
6. Mevalarni tozalab, yuving va qalin bo'lmagan parrak shaklida kesing.
7. Xamir ustiga kesilgan mevalarni soling va tekistlang.
8. Qolgan tuxumlarni shakar bilan ko'pirtiring. Shakar butunlay erigunga qadar.
9. Smetana va 3 osh qoshiq un qo'shib, aralashtiring.
10. Tayyor aralashmani mevalar ustidan quying. Xamir chetlari quyilgan aralashmadan chiqib turishi kerak.
11. 180 darajada qizdirilgan gaz pechida 45-50 daqiqa davomida pishiring.
12. Belgilangan vaqt o'tgandan so'ng, gaz pechini o'chiring va pirogni gaz pechida sovuting. Mazali, mevali pirog tayyor!
Yoqimli ishtaxa!
⠀
