Yoshlikning mazali taomlaridan biri bu bo'g'irsoqlar albatta. Mazasi esda qolarli ushbu bo'g'irsoqlar nafaqat bolalarga shuningdek, kattalarga ham juda ma'qul bo'ladi. Qachonlardir bizga bunday shirinlikni buvilarimiz tayyorlashgan. Endi esa bizning vaqtimiz yetib keldi. Huddi buvilarimiz tayyorlagan retseptlari bo'yicha tayyorlaymiz.
Kerakli masalliqlar:
200-250 gramm tvorog
1 dona tuxum
3 osh qoshiq shakar
1/2 choy qoshiq qabartma
100 gramm un
Bir chimdim tuz
O'simlik yog'i qovurish uchun
Tayyorlash usuli:
1. Barcha kerakli masalliqlarni tayyorlab oling.
2. Tvorog, shakar va tuxumni birlashtirib, yaxshilab aralashtiring.
3. Un, qabartma, tuzni soling va yumshoq xamir qoring.
4. Tayyor xamirni qalinligi taxminan 4 sm bo'lgan bo'laklarga bo'lib chiqing.
5. Qizdirilgan yog'da, o'rta olovda bo'g'irsoqlarni har tomonlama qizartirib pishiring.
6. Tayyor bo'g'irsoqlarni oshxona sochiqchasi ustiga terib chiqing. Ortiqcha yog'i chiqgandan so'ng, shakar kukuni seping. Qisqa muddatda mazali bo'g'irsoqlar tayyor. Darhol yaqinlaringizga tortiq qiling.
Yoqimli ishtaxa!
