Sizning e'tiboringizga mazali laym va nozik qaymoqli krem bilan tayyorlangan pirog retseptini taqdim etamiz. Ushbu tayyorlangan mazali, og'zingizda shundoqqina erib ketadigan pirogni albatta tayyorlang. Mo'jizali bu pirog kechki ovqatdan so'ng ajoyib desrt o'rnini egallaydi.
Kerakli masalliqlar:
Xamir uchun:
300 gramm ushoqlangan pechenya (pesochni)
6 osh qoshiq saryog'
2 osh qoshiq shakar
Asos uchun:
370 gramm sgushonka
4 dona tuxum sarig'i
120 gramm laym sharbati
Krem uchun:
300 gramm qaymoqli krem
2 osh qoshiq shakar kukuni
1 choy qoshiq vanilin
1 osh qoshiq maydalangan laym po'sti
Bir necha bo'lak laym bo'lagi (bezash uchun)
Tayyorlah usuli:
1. Eng avvalo gaz pechini 350 darajada qizdiring. Pirog korjini tayyorlab oling. Ushoqlangan pechenyaga eritilgan saryog', shakar qo'shib, aralashtiring.
2. Saryog' eritilgan bo'lishi kerak, shuning bilan birga sovuq holda bo'lishi lozim. Aralashma natijada sizda yog'li massa hosil bo'lishi lozim.
3. Diametri 22 sm bo'lgan pishirish qolipiga tayyorlangan massani bir tekistlikda, devorlari bo'ylab yoyib chiqing. So'ng, qizigan gaz pechiga 10 daqiqaga qo'ying.
4. Pirog korji sovigunga qadar pirog asosini tayyorlang. Buning uchun : sgushonka va tuxumni bir idishda birlashtiring.
5. Bir xil massa holiga kelgunga qadar ko'pirtiring. So'ng, nozik oqimda laym sharbatini quyib, aralashtiring.
6. Tayyorlangan laymli asosni sovugan korjga quying. Shunday quyingki, korj chetlari ko'rinib tursin.
7. 180 darajada qizdirilgan gaz pechida 10-15 daqiqa davomida pishiring. Belgilangan vaqt o'tishi bilan gaz pechidan pirogni olib, xona haroratida sovuting. So'ng, ustini yopib, 5-8 soat muzlatgichda sovuting.
8. Qaymoqli kremni tayyorlang. Qaymoqni shakar kukuni, vanilin bilan mikserning past tezligida 30 soniya ko'pirtiring.
9. So'ng, maydalangan laym po'stini qo'shib, o'rta tezlikda 1 daqiqa davomida ko'pirtiring.
10. Tayyor kremni pirog ustiga soling va tekistlab chiqing.
11. Pirog ustini laym bo'laklari va maydalangan laym po'sti bilan bezating.
12. Hushbo'y va mazali pirog tayyor! Ushbu pirogni yaqinlaringizga darhol tortiq qiling.
Yoqimli ishtaxa!