Kartoshka-qovoqli quymoqni tayyorlash bir necha daqiqa vaqtingini oladi xolos. Oddiy masalliqlardan tayyorlangan ushbu mazali quymoq ertalabki nonushta yoki tushlik uchun to'g'ri tanlov. Mazali quymoqlarni tayyorlang va yaqinlaringizga lazzatlanish baxtini ulashing.
Kerakli masalliqlar:
2 dona kartoshka
1dona o'rta qovoq (kabachki)
1 dona kichik piyoz
100 gramm konservalangan makkajo'xori
100 gramm un
1 dona tuxum
1 stakan sut
2 osh qoshiq zaytun yog'i qovurish uchun
Tayyorlash usuli:
1. Kartoshkani qirg'ichning katta tomonidan o'tkazing. Ajralib chiqgan ortiqcha sharbatini qo'lingizda siqib oling.
2. Shuningdek, qovoqni ham qirg'ichdan o'tkazing. Kartoshka, qovoq, mayda to'rg'algan piyoz, makkajo'xori, un va ta'bga ko'ra tuzni birlashtiring.
3. 1 dona tuxum va ozgina sut qo'shib, barcha masalliqlarni bir xil massa holiga kelguncha aralashtiring.
4. Tovada qizdirilgan yog'da tayyor aralashmani 1 osh qoshiqdan soling va kotlet shaklini bering. 2-3 daqiqa mobaynida har tomonlama qovuring.
5. Tayyorlangan quymoqlarni oshxona sochig'iga tering. Ortiqcha yog'i ajralishi uchun. Quymoqlarni darhol dasturxonga torting.
Yoqimli ishtaxa!