Bu pishloqli, hashamatli sho'rvada sizni go'zallik va o'z ta'mi bilan sizni hayratga soladigan eng nozik ta'm mavjud. Qisqichbaqalar sho'rvada tezda pishirilishi mumkin, tayyorlash uchun 40 daqiqa vaqt talab qilinadi. Ushbu taom kundalik menyuyingizni o'zgartirish bilan birga mazali taom iste'mol qilish imkonini beradi.
Kerakli masalliqlar:
400 gramm qisqichbaqa (krevetka)
6 stakan tayyor bulyon
3 dona kartoshka
1 dona piyoz va sabzi
500 gramm pishloqning yumshoq turi (prezident)
Ta'bga ko'ra ko'katlar, tuz va ziravorlar
Tayyorlash usuli:
1. Birinchi navbatda sabzavotlarni tayyorlang. Piyoz va kartoshkani maydalab to'rg'ang, sabzini qirg'ichning katta tomonidan o'tkazing.
2. Pishloqni aloxida idishga soling.
3. Kastryulkaga tayyor bulyonni quying, pishloqni soling. Gazga qo'ying va qaynating. Past olovda , doim aralashtirgan holda pishloq erigunga qadar qaynating. Tayyorlangan sabzavotlar, tuz va ziravorlarni qo'shing va 15-20 daqiqa qaynating.
4. Belgilangan vaqt o'tishi bilan tozalangan qisqichbaqalarni soling va yana 5 daqiqa tayyorlashni davom eting.
5. Pishloqli sho'rvani olovdan olib, 5 daqiqa dam bering. So'ng, kosalarga suzib, mayda to'rg'algan ko'kat seping va dasturxonga torting.
Yoqimli ishtaxa!