Ushbu taom nonushta dasturxonida nafaqat bolalar balki, kattalar uchun ham zavq bag'ishlaydi. Sizda oddiy mahsulotlardan mazali nonushta tayyorlash imkoni mavjud. Ozgina mehnatingizni va mexringizni ayamasangiz bas.
Kerakli masalliqlar:
600 gramm tvorog
1 dona tuxum
0,5 stakan manniy yormasi
0,5 stakan shakar
0,5 choy qoshiq vanillin
100 gramm shokolad,
100 gramm ovsyanka
O'simlik yog'i qovurish uchun
Tayyorlash usuli:
1. Bir idishga tvorog, tuxum, yarim stakan manniy yormasi, yarim stakan shakar, vanilinni birlashtiring va bir xil massa hosil bo'lgunga qadar aralashtiring. Tayyor xamirni taxminan 40 grammdan bolib chiqing.
2. Shokoladni bo'lakchalarga bo'lib chiqing.
3. Xamirning bir bo'lagini olib, barmog'ingiz bilan o'rtasiga bosing va ozgina yoying. Xamir o'rtasiga shokolad bo'lagini qo'ying va xamir chetlarini o'rtaga birlashtiring. Qolgan xamirlar bilan ham shunday yo'l tuting.
4. Tayyor xamir sharchalarini ovsyankaga bulang.
5. Tayyorlangan xamirlarga sirniklar shaklini bering.
6. Tovaga 30-50 gramm o'simlik yog'ini quying va qizdiring. Tayyor sirniklarni qovuring.
7. Sirniklarni huddi kotletlar singari har tomonlama qizartirib pishiring.
8. Tayyorlangan sirniklarni ortiqcha yog'i ajralishi uchun qog'oz sochiqchalarga terib chiqing. 5 daqiqa vaqtdan so'ng tayyor sirniklarni dasturxonga torting.
Yoqimli ishtaxa!