Mazali ovqatlanishni hohlaysizmi? - U holda bir oz vaqtingizni oshxonada o'tkazishga to'g'ri keladi. Kundalik taomlaringiz menyusini o'zgartirishni xoxlaysizmi? U holda kechki ovqat dasturxoni uchun ushbu yorqin taomni tayyorlang. Tayyorlanishi oddiy, mazasi esa juda ham mazali ushbu taom oila a'zolaringizga juda ham manzur bo'ladi.
Kerakli masalliqlar:
600 gramm baliq filesi
150 gramm guruch
1 dona tuxum
2 bo'lak quruq non
1/2 bog' ko'k piyoz
1/2 bog' ukrop ko'kati
3-4 osh qoshiq un
Tuz, qora qalampir va ziravorlar ta'bga ko'ra
100 gramm o'simlik yog'i
Tayyorlash usuli:
1. Guruchni tozalab, yuving va 1/2 osh qoshiq tuz qo'shing. Suv quying va tayyor bo'lguncha qaynating.
2. Baliq filesini go'sht maydalagichning o'rtacha tezligidan o'tkazing va aloxida idishga soling.
3. Baliq qiymasiga 1 dona tuxum, tuz, murch, ziravorlar qo'shing.
4. Sutda yoki suvda uyutilgan non bo'laklarini siqib oling va baliq qiymasiga qo'shing.
5. Mayda qilib to'rg'algan ko'k piyoz va ukro'p ko'katini qo'shing.
6. Qaynatib, butunlay sovutilgan guruchni soling.
7. Barcha masalliqlar qo'shilgan baliq qiymasini yaxshilab aralashtiring.
8. Tayyorlangan qiymadan qalin bo'lmagan kotlet shakllarini yasang.
9. Tayyor kotletlarni qovurishdan oldin har tomonlarini unga bulang.
10. Tayyor kotletlarni qizdirilgan o'simlik yog'ida 3-4 daqiqa davomida, qizartirib pishiring.
11. Kotletlarning ichki suvi oqib ketmasligi uchun ularni o'rta olovdan balandroq olovda qovuring.
12. So'ng, kotletlarni past olovda tova qopqog'ini yopgan holda 6-8 daqiqa davomida pishiring. Tayyor kotletlarni olib qog'oz sochiqqa 3-5 daqiqaga qo'ying. Ortiqcha yog'i ajralishi uchun. Kotletlar tayyor! Dasturxonga tortishingiz mumkin.
Yoqimli ishtaxa!