Sizning diqqatingizga lazzatli shirin desert uchun keyingi retseptni taqdim etamiz. Bu desert shirinliklarni hush ko'ruvchilar va ayniqsa bolalar uchun juda ham maqul bo'ladi. Bodomli nuga og'zingizda eriydigan va choy uchun eng yaxshi desertdir.
Kerakli masalliqlar:
250 gramm bodom
100 gramm asal
400 gramm shakar
2 dona tuxum oqi
3 osh qoshiq jo'xori siropi
Bir chimdim tuz
50 gramm saryog'
1 choy qoshiq vanilin kukuni
Tayyorlash usuli:
1. Chuqur idishga tuz, shakar va jo'xori siropini jamlang. Shakar butunlay eriguncha aralashtiring. Past olovga qo'ying va yengil qaynaguncha kuting, doim aralashtirgan holda. Qaynagan vaqtdan boshlab 10 daqiqa qaynating. Sirop darajasi 150 darajada bo'lishi kerak. Haroratni maxsus gradusnikda o'lchang.
2. Aloxida idishda tuxum oqlarini oppoq, yengil ko'pik holiga kelgunga qadar ko'pirtiring. Ilitilgan asalni nozik oqimda tuxum oqiga qo'shing, ko'pirtirishni davom etgan holda.
3. So'ng, ko'pirtirishni to'xtatmagan holda nozik oqimda, tayyorlangan siropni quying. Natijada qattiq oqsilli massa hosil bo'lishi kerek. Maydalangan bodomni qo'shing va ehtiyotkorlik bilan aralashtiring. Lekin, uzoq vaqt emas.
4. Katta bo'lmagan to'rtburchak pishirish qolipiga pergament qog'ozi yozing va yog' bilan surtib chiqing. Chamasi 1,5-2 sm qalinlikda tayyorlangan massadan yoyib chiqing. Ustiga yana pergament qog'ozi yozing va yog' bilan surting.
5. Sovuguncha shu holda qoldiring. Sovugandan so'ng 1 soatga muzlatgichga qo'ying. Vaqt o'tgandan so'ng katta bo'lmagan bo'laklarga bo'lib chiqing.
Yoqimli ishtaxa!