Sizga oddiy va tezkor tayyor bo'ladigan mazali pirog retseptini taqdim etamiz. Ushbu pirog oddiy masalliqlardan tayyorlangan bo'lsada, o'zida ajoyib ta'mni mujassam qiladi. Tayyorlangan pirog og'zingizda erib ketadi. Ushbu pirog kechki ovqatdan so'ng sizga va yaqinlaringizga ajoyib desrt bo'ladi.
Kerakli masalliqlar:
3 dona tuxum
250 gramm shakar
100 gramm margarin yoki saryog'
1 osh qoshiq mayonez
2 stakan un
1 choy qoshiq ichimlik sodasi
1 choy qoshiq limon sharbati
500 gramm tvorog
3-4 dona shaftoli
3 osh qoshiq manniy yormasi
Tayyorlanish usuli:
1. 2 dona tuxumni oqdan sariqlarini ajrating. Tuxum sariqlarini yarim stakan shakar bilan aralashtiring.
2. Tuxumli massaga xona haroratida eritilgan saryog'ni qo'shing va bir xil massa hosil bo'lguncha aralashtiring.
3. Massaga 1 osh qoshiq mayonez va limon sharbatida o'ldirilgan ichimlik sodasini qo'shing.
4. Unni oz-ozdan qo'shib, yumshoq xamir qoring.
5. Tayyor xamirni pergament qog'ozi yoyilgan pishirish qolipiga yoyib chiqing va 30 daqiqaga muzlatgichga qo'ying.
6. Tvorogni yarim stakan shakar va 1 dona tuxum bilan blender yordamida aralashtiring.
7. Shaftolilarni tozalab, mayda to'rtburchak shaklda to'rg'ang. Yarimta shaftolini qoldiring bezash uchun.
8. Qolgan shakar bilan tuxum oqlarini ko'pirtiring.
9. Tvorog aralashmasiga tuxum oqi, maydalangan shaftolilr va 2 osh qoshiq manniy yormasini qo'shing, aralashtiring.
10. Qolgan manniy yormasini yoyilgan xamir ustiga seping.
11. Xamir ustiga tvorogli massani quying. Parrak qilib kesilgan shaftoli bo'laklarini terib chiqing. Hohishingizga ko'ra mak seping. Tayyorlangan pirogni 220 darajada qizdirilgan gaz pechida 1 soat mobaynida pishiring.
12. Tayyor pirogni gaz pechidan olib, qolipning o'zida sovuting. Pirog tayyor ! Uni yaqinlaringiz bilan baham ko'ring.
Yoqimli ishtaxa!