Xayratlanarli, chiroyli va oddiy mahsulotlardan tayyorlanadigan desertni uy sharoitida ham tayyorlash mumkin. Oqsil va shakardan tayyorlanadigan ushbu desert kechki ovqat dasturxonida o'zining yorqin o'rnini egallaydi. Ushbu desertni bayram dasturxoni uchun tayyorlasangiz ham maqsadga muvofiq bo'ladi.
Kerakli masalliqlar:
3 dona tuxum oqi
600 gramm shakar kukuni
1 choy qoshiq gilos ekstrakti (5 ml)
Bezash uchun:
250 gramm shakar
30 mldan qizil va sariq oziq-ovqat rangi
100 ml suv
Uzun ignali archa shoxi
Tayyorlash usuli:
1. Tuxum oqidan sariqlarini ajrating. Tuxum oqiga 150 gramm shakar kukunini soling.
2. Tuxum va shakar kukunini qoshiq yordamida ko'pirtiring. Ko'pirtirishda davom etgan holda qolgan shakar kukunini qo'shing.
3. Shakar kukuni va tuxum aralashmasi konsistensiyasi qo'yiq bo'lishi lozim. Oxirgi shakar kukunini qo'shganingizda aralashtirish murakkablashadi. Xavotirga o'rin yo'q.
4. So'ng, choy qoshiqda gilos ekstraktini qo'shing va yana bir bor aralashtiring. Tayyor aralashmadan gilos shaklida yumaloq yasang. Agar, yumaloqlar o'z shaklini ushlamasa u holda yana ozgina shakar kukunidan qo'shing.
5. Ikkita kosaga biriga sariq, ikkinchisiga qizil rangdan 2 choy qoshiqdan quying va shuncha suv bilan aralashtiring. Agarda siz sun'iy ranglardan foydalanishni hohlamasangiz u holda lavlagi va sabzi sharbatlaridan foydalanishingiz mumkin.
6. Gilos kaltakchalarini hosil qilish uchun archa ignalaridan kesib chiqing.
7. Tayyorlangan oqsilli massadan giloslar yasang. Oqsilli massadan ustini yopgan holda foydalaning. Qotib qolishi mumkin. Gilosni avval sariq rangga botiring so'ng, sariq rangga botirilgan giloslar ustidan choy qoshiqda qizil rangdan quying.
8. Tayyorlangan giloslarni laganga solingan shakarga botiring.
9. Giloslarni shakarga bulashda maxsus tayoqchadan foydalangan holda bu bosqichni bajaring.
10. Maxsus tayoqchangiz yo'q bo'lsa, havotirga aslo o'rin yo'q. Giloslarga ideal shakl berish uchun shakarga bulangan giloslarni kaftingizda to'g'rilang.
11. Giloslarni laganga terib, archa ignalaridan shoxchalarni sanchib chiqing. Giloslar butunlay tayyor bo'lishi uchun 12 soatga ularni olib qo'ying. Giloslarni salqin va shabada esib turadigan joyga usti ochiq holda qo'ying. Tayyorlangan giloslar nafaqat desert balki, buyuk san'at asaridir.
Yoqimli ishtaxa!