Golupsi taomi mavjudligi bilan birga dangasa golupsilar ham mavjud. Dangasa golupsi - bu ham golupsining o'zi faqatgina u karam barglariga o'ralmaydi xolos. Ushbu retsept ham, tayyorlanish usullari ham juda oddiy. Mazasi juda mazali bo'lib, sizning dasturxoningizdan o'rinli joy egallaydi.
Kerakli masalliqlar:
350 gramm tovuq go'shti qiymasi
1,5 dona piyoz
70-80 gramm karam
1 dona tuxum
3 bo'lak oq non bo'lagi (baton)
2 osh qoshiq manniy yormasi
2 dona pomidor
250 ml suv yoki bulyon
Ta'bga ko'ra tuz va murch
2 dona sarimsoq donachasi
3 osh qoshiq un
2-3 osh qoshiq o'simlik yog'i
Tayyorlash usuli:
1. Go'sht qiymasiga mayda to'rg'algan piyoz va ziravorlarni qo'shing.
2. Karamni mayda to'rg'ab qo'shing. 1 dona tuxum qo'shib, yaxshilab aralashtiring.
3. Suvda uyutilgan nonni maydalang va manniy yormasi bilan birga qiymaga qo'shib, aralashtiring.
4. Tovada o'simlik yog'ini qizdiring. Tayyorlangan qiyma aralashmasidan kotlet shakllari yasang, unga bulang va qizdirilgan yog'da qizartirib pishiring.
5. O'rta hajmdagi kastryulkaga bulyonni quying va gazga qo'ying. Yarim to'rg'algan piyoz va bo'laklarga bo'lingan pomidor, tomat pastasi, tuz, murch soling va qaynating.
6. Qovurilgan kotletlarni tayyorlangan bulyonga soling, maydalangan sarimsoq donachalarini soling va qopqoq ostida, past olovda dimlang.
7. Tayyor golupsilarni laganga suzing va ustidan tomatli sho'rvadan quying. Dangasa golupsilar tayyor!
Yoqimli ishtaxa!