Uy sharoitida tayyorlangan buyuk va noan'anaviy ushbu taom o'zining tayyorlanishi va mazasi bilan sizga va oila a'zolaringizga juda ham manzur bo'ladi. Ushbu pishiriqni tayyorlashingiz bilanoq u birzumda dasturxondan huddi tayyorlanmagandek g'oyib bo'ladi. Nega deysizmi? Sababi ular juda ham mazali.
Kerakli masalliqlar:
500 gramm tayyor qavatli xamir
400 gramm qo'ziqorinning shampinion turi
1 dona piyoz
1 dona tuxum
1 choy qoshiq quritilgan ko'katlar
Ta'bga ko'ra tuz va murch
2-3 osh qoshiq o'simlik yog'i
Tayyorlash usuli:
1. Qavatli xamir muzlatilgan bo'lsa, 30-40 daqiqa davomida eriting. Barcha masalliqlarni tayyorlang. Qo'ziqorinni yuving va maydalab to'rg'ang.
2. To'rg'algan qo'ziqorinlarni qizdirilgan o'simlik yog'ida, 6-8 daqiqa davomida qovurib oling.
3. Piyozni tozalab, yuving va maydalab to'rg'ang.
4. Piyozni qo'ziqorin ustiga soling, tuz va ziravorlarni qo'shib, aralashtiring. Qo'ziqorin va piyozni ajralgan suvi tugagunga qadar o'rta olovda qovurishda davom eting va sovuting.
5. Bu vaqt mobaynida xamirni 2 qismga bo'ling, aloxida-aloxida yupqa qilib yoying.
6. Yoyilgan xamirni 2 qismga bo'ling. Xamir yarmiga qo'ziqorinli nachinkani soling. Yarmini katta bo'lmagan chiziqchalar qilib, kesib chiqing.
7. Xamirning chiziqchalar kesilgan tomonini nachinka ustiga yoping. Chetlarini maxsus pichoq yordamida kesib chiqing. Qolgan xamirlar bilan ham huddi shunday yo'l tuting.
8. Tayyor qo'ziqorinli pufflarni yog' surtilgan pishirish qolipiga joylang va ustini tuxum sarig'i bilan surting. 200 darajada qizdirilgan gaz pechida 20-30 daqiqa davomida pishiring. Pufflar tayyor!
Yoqimli ishtaxa!