Maktab chog’larida bunday pechenyalar juda sevimli yeguliklardan biri edi. Endilikda ularni uy sharoitida tez va oson tayyorlash imkoniyatiga egasiz. Bunday shirinliklar bolajonlarga ham juda manzur bo'ladi. Kechki ovqatdan so'ng, oilangiz davrasida, issiqqina choy bilan iste'mol qilish uchun shunday pechenyalarni albatta tayyorlang.
Kerakli masalliqlar:
150 gramm saryog'
150 gramm ahakar
3 dona tuxum
2 choy qoshiq vanilin va 1 dona vanilin tayoqchasi
2 choy qoshiq qabartma
350 - 400 gramm un
Myrabbo ta'bga ko'ra
Yong'oq ta'bga ko'ra
Tayyorlash usuli:
1. Saryog'ni oshxona jomchasiga soling va shakar qo'shib aralashtiring.
2. Tuxumni ko'pirtiring va saryog'li massaga aralashtiring.
3. Vanilin tayoqchasini o'rtasidan bo'lib, urug'larini ajrating, yoki vanilin kukunidan foydalaning.
4. Tayyorlangan massaga vanilin, qabartma va unni solib, qattiq xamir qoring.
5. Xamirni 2-3 qalinlikda yoying va maxsus qolip yoki stakan yordamida kesib oling.
6. Kesilgan xamirlarni pergament qog'ozi yozilgan pishirish qolipiga tering va 180 darajada qizdirilgan gaz pechida 15 daqiqa davomida pishirib oling.
7. Tayyor pechenyalarni ozgina sovuting va ustiga murabbo surtib chiqing.
8. Murabbo surtilgan pechenyalar ustini maydalangan yong'oq bilan bezating. Pechenyalar tayyor!
Yoqimli ishtaxa!