Bayram dasturxonida qanday salatni tasavvur qilasiz? Har doimgidek mayda to'rg'algan va mayonez bilan aralashtirilgan masalliqlarnimi? To'g'ri deyarli barcha bayram dasturxonida shunday usulda tayyorlangan salatlar o'z o'rnini egallaydi. Faqatgina bugun, aziz ayollar bayramida bunday salatlarni tayyorlash yaramaydi. Bugungi bayram dasturxonidagi salatlar tayyorlanishiga o'zgacha usulda yondashing. Bugun tayyorlanishi oson, mazasi esa juda ham mazali salat retseptini sizga taqdim etamiz. Ushbu salat dasturxoningiz markazidan o'zining yorqin o'rnini egallashiga hech ham shubxa yo'q.
Kerakli masalliqlar:
800 gramm pomidor
200 gramm qisqichbaqa tayoqchalari
200 gramm pishloqning yumshoq turi
4 dona tuxum
200 gramm mayonez
4 dona sarimsoq donachalari
1 bog' ko'k piyoz
1 dona bodiring
Tayyorlash usuli:
1. Yuvib, quritilgan pomidorlarni ustidan 4 ga bo'ling, faqat oxirigacha emas (huddi X qilib).
2. Kesilgan pomidor ichini choy qoshiq yordamida olib tashlang.
3. Sarimsoq donachalarini maydalab to'rg'ang. Qaynatilgan tuxum, pishloq va qisqichbaqa tayoqchalarini qirg'ichning katta tomonidan o'tkazing va bir idishga jamlang.
4. Mayonezning bir qismini qo'shib, barchasini aralshtiring.
5. Tayyorlangan aralashma bilan har bir pomidor ichini to'ldirib chiqing.
6. To'ldirilgan pomidorlar atroflarini arting.
7. Katta laganga tozalab, yuvilgan ko'k piyozni terib chiqing.
8. Piyozning ko'k tomonidan pomidorlarni terib chiqing.
9. Pastki qismiga yupqa, parrak qilib kesilgan bodring bo'laklarini terib chiqing. Salat tayyor!
Yoqimli ishtaxa!