Agarda har doim kotletlar pishirish joningizga tekkan bo’lsa, unda juda ham chiroyli bu ruletni pishirishni sinab ko’ring. Kechki ovqat uchun juda ham to'yimli taom. Tayyorlanishi oddiy va tayyorlash uchun barcha masalliqlar mavjud.
Kerakli masalliqlar:
1 kg mol go'shti
1 dona piyoz
2 dona tuxum
Ta'bga ko'ra tuz, murch
400 ml tomat pastasi
200 gramm pishloq
2 dona sarimsoq donasi
3 osh qoshiq suvi qochgan non
Tayyorlash usuli:
1. Piyozni halqa qilib kesing va sarimsoq donachasini mayda qirg‘ichdan o‘tkazing.
2. Katta bo‘lmagan idishda qirg'ichdan o'tkazilgan sarimsoq, non ushog'i, rayhon, oregano, petrushka va tuz soling. Keyin tuxum, qirg‘ichdan o‘tkazilgan pishloqni solib hammasini aralashtiring.
3. Oshxona taxtasi ustiga go‘shtni yoying, tolalari bo‘ylab kesing. Faqat oxirigacha kesib yubormang. Go‘sht qalinligi 1 smdan qalin bo‘lmasligi lozim. Endi tuz va murch seping.
4. Tayyorlangan nachinkani go‘sht ustiga bir tekis qilib surting va bir chetidan 2 sm bo‘sh joy qoldiring.
5. Go‘shtni ehtiyotkorlik bilan rulet shaklida o‘rang. So‘ng go‘shtli ruletni ip yordamida yaxshilab bog‘lang.
6. Tovaga to'rg'algan piyozni yoyib soling, ustidan go‘shtli ruletni qo‘ying (choki pastda bo‘lsin) va ustidan tomat sharbati quying. Tovani ustini folga qog'ozi bilan yoping va 180 darajada qizdirilgan gaz pechiga 2 soatga qo‘ying.
7. Go‘shtli ruletning usti qizarishi uchun oxirida folga qog'ozini 20 daqiqaga ochib qo‘ying. Kechki ovqat uchun bayramona taom tayyor!
Yoqimli ishtaxa!