Aslida uy sharoitida haqiqiy shokolad tayyorlash oson vazifa emas. Axir, shokoladning muhim tarkibiy qismi bo’lgan kakao yog’ini har qanday do’kondan xarid qilib bo’lmaydi. Ammo, boshqa tomondan, ba’zi mahsulot va fantaziya qilib, haqiqiy bo’lmasa ham, shu kabi ajoyib va mazali shokoladli shirinliklarni yaratish mumkin. Bundan tashqari, uni tayyorlash jarayoni sizga ko’plab zavq baxsh etadi.
Kerakli masalliqlar:
5 osh qoshiq kakao kukuni
2 osh qoshiq shakar
50 gramm sariyog’
1 choy qoshiq un
200 ml sut
Tayyorlash usuli:
1. Sutni past olovda isitgan holda (qaynatmasdan) unga shakar, un va kakao kukuni qo’shing.
2. Keyin sariyog’ni suv hammomida eriting, sutga qo’shing va barchasini yaxshilab aralashtiring.
3. Aralashmani bir qaynatib oling, agar juda quyuq bo’lib ketsa, yana ozroq sut qo’shish mumkin. Shundan so’ng yana bir necha daqiqaga juda past olovda qoldiring.
4. Sutli shokoladni shakllarga quying, muzlatgichda bir necha soat sovuting. Oddiy shokolad tayyor. Shuningdek, unga ta’bga ko’ra maydalangan bodom, quritilgan mevalar ham qo’shish mumkin.
Yoqimli ishtaxa!