Mevalar solib pishiriladigan bunday pechenyelar barcha-barchani ishtahasini ochib yuborishi aniq. Ular mazali, xushbo’y, chetlari qarsildoq, ichi esa yumshoqqina bo’lib pishadi. Bu pechenyelar uchun kerakli masalliqlar deyarli har bir uyda topiladi. Tayyorlash texnologiyasi esa juda oddiy va qiziqarli, hatto bunga bolalarni jalb qilishingiz ham mumkin.
Kerakli masalliqlar:
350 gramm un
230 gramm saryog'
5 osh qoshiq shakar
60 ml suv
Bir chimdim tuz
Asosiga:
120 ml murabbo
1 choy qoshiq dolchin (koritsa)
Shakar kukuni sepish uchun
4 dona olma
1 osh qoshiq sut
1 dona tuxum sarig'i, surtish uchun
Tayyorlash usuli:
1. Mikser kosasida un, shakar va tuzni aralashtiring. Xona haroratida yumshatilgan saryog'ni qo'shib, masalliqlar ushoqlangunga qadar mikserda aylantiring.
2. So'ng, 1/3 stakan suv qo'shib, bir xil, cho'ziluvchan massa xosil bo'lguncha aralashtiring. Tayyor xamirni polietilen paketiga o'rab, 20 daqiqaga muzlatgichga qo'ying.
3. Vaqt o'tgandan so'ng, xamirga un sepib, 3-5 mm qalinlikda yoying.
4. Yoyilgan xamirdan maxsus qolipcha yoki stakan yordamida diametri 5-6 bo'lgan yumaloq shakllar kesib chiqing.
5. Bu bosqichda nachinkani tayyorlang. Olmalarni tozalang, o'rtacha hajmda to'rg'ang va 1 choy qoshiq dolchin qo'shib aralashtiring.
6. Kesilgan xamir yarmining o'rtasiga yog'och shishlarni (shpashkalar) qo'yib chiqing.
7. Yog'och shishlarni o'rnatganingizdan so'ng ustiga ozgina qo'yiq murabbo
va olmadan soling.
8. Huddi shunday kesilgan ikkinchi xamirni nachinka ustiga yoping va barmog'ingiz bilan chetlarini yopishtirib chiqing.
9. Pechenyalarga chiroy bag'ishlash uchun va nachinkasi oqib ketmasligi uchun chetlarini yog'och shishlar bilan bostirib chiqing.
10. Pishirish qolipiga pergament qog'ozi yozing va pechenyalarni terib chiqing. Tuxum sarig'ini 1 osh qoshiq sut bilan aralashtiring va pechenyalar ustini surtib chiqing.
11. 180 darajada qizdirilgan gaz pechida 20 - 25 daqiqa davomida pishiring. Pechenyalar usti tilla rang tusga kirishi lozim.
12. Tayyor pechenyalarga shakar kukunidan seping va sovuting.
Yoqimli ishtaxa!