Mazali pishiriqlarning bir qismini egallaydigan zavarnoy kremni tayyorlash murakkab deb o'ylaysiz. Aslida esa bu nozik va mazali kremni oddiy uy bekasi uyda bemalol tayyorlay oladi. Tayyorlanishi oddiy, mazasi juda mazali ushbu krem tort va boshqa pishiriqlaringiz uchun juda ham mos keladi.
Kerakli masalliqlar:
30 gramm un
180 gramm shakar
500 ml sut
6 dona tuxum sarig'i
1 choy qoshiq vanilin
30 gramm saryog'
Tayyorlash usuli:
1. Birinchi navbatda un va shakarni aralashtirib oling. Aloxida idishga sutning bir qismi va tuxum sariqlarini aralashtiring.
2. So'ng shakar bilan aralashtirilgan unni tuxumli massaga qo'shib, yaxshilab aralashtiring.
3. Qolgan sutning ikkinchi qismini vanilin bilan aralashtirib, gazga qo'ying.
4. Sut qaynashni boshlashi bilanoq olovdan olib, asta - sekin, venchikda aralashtirgan holda oz - ozdan tuxumli massaga qo'shing.
5. So'ngra, sut qo'shilgan tuxumli massani sutning idishiga qaytadan quying va o'rta olovda qo'yiqlashgunga qadar qaynating.
6. Bu bosqichda krem ozginadan qurumlasha boshlaydi. Bu sizni hech ham xavotirga solmasin. Aksincha siz tezlik bilan kremni aralashtiring.
7. Krem qaynab, qo'yiqlashgandan so'ng, taxminan yana 1 daqiqa olovda ushlab turing. So'ng olovdan olib, aloxida idishga quying.
8. Tayyor kremga 30 gramm saryog'ni qo'shib, ehtiyotkorlik bilan aralashtiring.
9. Krem ustini polietilen paketi bilan yopib, sovutishga olib qo'ying. Qisqa vaqtdan so'ng tayyor kremni olib, hohlagan pishirig'ingiz uchun foydalanishingiz mumkin.