Har qanday bo'yoq va kimyoviy qo'shimchalarsiz, siz oila a'zolaringizga tabiiy va yaxshiroq mahsulotlardan tayyorlangan - limon marmeladini osongina tayyorlab, tortiq qilishingiz mumkin. Marmelad tayyorlash uchun barcha masalliqlar mavjud. Siz bir ozgina vaqtingizni ayamasangiz bas.
Kerakli masalliqlar:
120 ml suv
400 gramm shakar
1 pachka jelatin
60 ml qaynatib, sovutilgan suv
180 gramm limon soki
Bezatish uchun bir necha osh qoshiq shakar
Tayyorlash usuli:
1. Kosaga 60 ml qaynatib, sovutilgan suvni quyib, jelatinni soling va 10 daqiqaga chetga oling. Bu vaqt mobaynida, boshqa idishga shakar va suvni solib, gazga qo'yib, qaynating. Qaynagan vaqtdan boshlab, shakar erib, jindek qo'yiqlashguncha qaynatishda davom eting (qaynagandan so'ng, o'rta olovda qaynating).
2. Shakarli sharbatni gazdan olib, uvigan jelatin va siqilgan limon sharbatini qo'shing.
3. Maxsulotlarni yaxshilab aralashtiring va silikon qolipiga yoki keng idishga quying. So'ng 2 soatga muzlatgichga, butunlay sovutish uchun qo'ying.
4. Kerakli vaqt o'tgandan so'ng, asta - sekinlik bilan idishdan oling va katta bo'lmagan bo'laklarga bo'ling.
5. Kesilgan bo'laklarni shakarga bulab chiqing. Bunday marmelad turini nafaqat limondan balki, boshqa mevalardan tayyorlashingiz ham mumkin. Tayyor marmeladlarni yaqinlaringiz bilan baham ko'ring.
Yoqimli ishtaxa!
