Qarsildoq, mazasi shirin - nordon tuzlangan bodring Xitoyning deyarli har bir restoranida tayyorlanishi rost. Bu salatning tayyorlanishi juda ham oddiy va bu salatni uy sharoitida bemalol tayyorlashingiz mumkin. Tayyorlanishi 15 daqiqa vaqtingizni oladi, tayyorlash uchun barcha masalliqlar esa mavjud.
Kerakli masalliqlar:
2 dona bodring
2 dona maydalangan sarimsoq donachasi
1 dona mayda to'rg'algan achchiq qizil qalampir
1 choy qoshiqdan tuz va shakar
3 - 4 osh qoshiq uksus
1 osh qoshiq kunjut yog'i (yoki zaytun yog'i)
Tayyorlanish usuli:
1. Bodringlarni yuving va 2 - 3 bo'lakka bo'ling. Katta pichoq bilan bodringlarni ezg'ilab chiqing,
2. Ezilgan bodringlarga 2 choy qoshiq tuz solib, 10 daqiqaga chetga olib qo'ying. 10 daqiqa o'tgach ajralgan suvini to'kib tashlang.
3. So'ng, bodringlarni katta oshxona tog'orachasiga soling va qolgan masalliqlarni solib, yaxshilab aralashtiring.
4. Bodring ustini lagan bilan yopib, sovutish uchun muzlatgichga qo'ying. 30 daqiqa o'tgach bodringni tatib ko'rishingiz mumkin.
Yoqimli ishtaxa!