Shirinliklarni yaxshi ko'ruvchilar uchun bu navbatdagi pirog juda ham manzur bo'ladi. Tayyorlanishi juda ham oddiy va ko'p vaqtingizni olmaydi. Xavotirlanmang tayyorlash uchun barcha masalliqlar xonadoningizning o'zida mavjud. Mazasi esa sizga faqatgina rohatlanish va lazzatlanishni taqdim etadi. Tayyorlash uchun olg'a!
Kerakli masalliqlar:
300 gramm un
150 gramm shakar
125 gramm saryog'
1 dona tuxum, 1 dona tuxum sarig'i
2 osh qoshiq rom
Asosiga:
4 dona tuxum sarig'i
400 ml sut
40 gramm un
30 gramm shakar
1 choy qoshiq vanilin
40 gramm shakar kukuni
100 gramm mak
Tayyorlash usuli:
1. Eng avvalo zavarnoy kremni tayyorlab oling. Buning uchun : tuxum sariqlariga un va shakar kukunini qo'shing.
2. Bu jarayonda un va shakar kukunini oz - ozdan qo'shib, venchik yoki mikserda ko'pirtiring.
3. Sutni xona haroratida iliting, shakar va vanilin qo'shing va qaynating. Ushbu massani doim aralashtirgan holda tuxum sariqlariga qo'shing.
4. So'ng, qaytadan sutli massani kastryulaga quyib, qaynatishda davom eting. Qaynayotgan massa huddi qo'yiq krem holiga kelishi lozim.
5. Ozgina rom qo'shib, aralashtiring.
6. Kremni sovuting va ustini paket bilan yopib, chetga oling.
7. Keyingi qadamda makni ozgina maydalab, butunlay sovugan kremga qo'shing va aralashtiring.
8. Xamirni tayyorlashga kirishing : saryog'ni shakar va rom bilan yaxshilab aralashtiring.
9. Ushbu masalliqlarga 1dona tuxum va 1 dona tuxum sarig'ini qo'shing.
10. Oz - ozdan unni qo'shib, xamir qoring. Xamir ustini yopib, 5 daqiqaga dam bering.
11. Xamirni 3 qismga bo'ling ( bir qismi kichikroq bo'lishi lozim). Har bir xamirni alohida yoyib chiqing. So'ng maxsus pishirish qolipiga xamirning bir qismini soling, qolipga solingan xamir chetlari qolipdan ozgina chiqib turishi kerak. Xamir ustidan makli kremni quying.
12. Xamirning ikkinchi qismini qolip ustiga yopib, juvada bir marta yurgizing. Xamirning ortiqchalarini kesib oling.
13. Pirog ustini tish pichog'i yordamida teshib chiqing. Qolgan xamirdan pirog ustini bezash uchun gullar, barglar kesib, ustiga qo'ying.
14. Tayyor pirogni 200 darajada qizdirilgan gaz pechida 40 daqiqa davomida, tayyor bo'lguncha pishiring.
15. Shuning bilan makli pirog tayyor!
Yoqimli ishtaxa!