Yumshoq, yupqa xamir va ichi to’la asosli bu pirog oson tayyorlanilishiga qaramay, har qanday oddiy kunni bayramga aylantirishi aniq. Ushbu pirog vaqtingiz tig'iz, qorningiz esa juda ham och qolgan vaqtda tez tayyorlanishi bilan vaqtingizni unumli tejaydi. Bu pirogning tayyorlanishi oddiy, mazasi esa juda ham mazali bo'lib, nonushta, tushlik, kechki ovqat dasturxonlarida o'zining yorqin joyini egallaydi.
Kerakli masalliqlar:
Xamirturushli xamir
Baliq konservasi yoki yangi baliq
Kartoshka
Piyoz
Tuz va murch
Pirog xamirini hohishingizga qarab tayyorlashingiz mumkin. Ushbu pirog uchun har qanday turda tayyorlangan xamir maqul bo'ladi.
Tayyorlash usuli:
1. Agar siz pirog uchun yangi baliq tanlagan bo'lsangiz u holda yupqa qilib kesing. Agar baliq konservasi bo'lsa, maydalang. Piyozni tozalab, mayda to'rg'ab, tovada qovurib oling. Shu vaqt mobaynida kartoshkani tozalab, yupqa, yumaloq shaklda kesing.
2. Tayyor xamirni ikki qismga bo'ling. Bir qismini yoyib, yog'surtilgan pishirish qolipiga soling, ustidan kartoshkani shunday teringki, chetlari bo'sh qolsin.
3. Baliqni qovurilgan piyoz bilan aralashtiring. Tuz va murch, ta'bga ko'ra ziravorlar soling va kartoshka ustiga solib, tekistlab chiqing. Xamirning ikkinchi qismini yopib, chetlarini yopishtirib chiqing.
4. Pirog ustini tish pichog'i yoki sanchqi bilan sanchib chiqing va tuxum sarig'i bilan surting. 180 darajada qizdirilgan gaz pechida 45 - 50 daqiqa davomida pishiring. Pishirish mobaynida pirogni tekshirib turing.
5. Tayyor bo'lgan pirogni darxol dasturxonga torting.
Yoqimli ishtaxa!