Ko’pchilikka tanish va mazali bo’lgan tvorog ushbu pirogda qolgan masalliqlar bilan uyg'unlashib, o'zining ajoyib mazasini aks ettiradi. Ushbu pirog dasturxoningizning haqiqiy ko’rkiga aylanishiga hech shubha qilmang. Tayyorlanishi oddiy, tayyorlanishi uchun esa barcha masalliqlar mavjud bo'lgan uchbu kalsiyga boy tvorogli zapekanka yaqinlaringizga kechki ovqatdan so'ng ajoyib desert bo'lishiga hech ham shubxa yo'q. Buni albatta tayyorlang!
Kerakli masalliqlar:
800 - 100 gramm tvorog
3 dona tuxum
6 osh qoshiq shakar
2 osh qoshiq manniy krupa
4 osh qoshiq smetana
1/2 stakan sut
Bir chimdim tuz
1 choy qoshiq vanilin
1/2 choy qoshiq ichimlik sodasi va qabartma
1 choy qoshiq limon sharbati
200 gramm o'rik qoqisi, yong'oq va qora mayiz (50 grammdan)
Tayyorlash usuli:
1. Chuqur idishga tvorog, manniy krupa, sut va smetanani soling. Zapekanka ko'rinishi ishgan va chiroyli bo'lishi uchun 800 - 100 gramm tvorog bo'lishi lozim.
2. Quritilgan o'rik, mayizni yuvib, issiq suvda 5 daqiqa uvitib, quriting va yong'oq bilan birga barchasini maydalang. Ichimlik sodasini limon sharbatida o'ldiring va tvorogli massaga qo'shing. Tuxum oqidan sariqlarini ajratib, ikkovini ham ko'pirtiring va tvorogli massaga solib, yaxshilab aralashtiring. Maydalangan mevalarni qo'shing.
3. Pishirish qolipiga pergament qog'ozi soling yoki saryog' bilan surting. 180 - 200 darajada qizdirilgan gaz pechida 40 - 50 daqiqa davomida pishiring.
4. Zapekanka tayyor bo'lganligini tish pichog'i bilan tekshiring. Agar sanchganingizda u quruq holda chiqsa zapekanka tayyor bo'ladi. Tayyor zapekanka ustiga shakar kukunidan seping.
Yoqimli ishtaxa!