Har bir uy bekasi qanday qilib qahva tayyorlashni bilganidek, mazali kekslarni tayyorlashni ham biladi. Ko'rinishi murakkab bo'lishiga qaramay bu keksni tayyorlash juda ham oddiy va qiziqarli. So'zlarimizni tasdiqlash uchun sizga ushbu mazali keks retseptini taqdim etamiz.
Kerakli masalliqlar:
200 gramm nordon olma navi
100 gramm smorodina
Limon sharbati
3 dona tuxum
120 gramm saryog' (eritilgan)
160 gramm shakarkukuni
1/2 choy qoshiq ichimlik sodasi
250 gramm un
1 osh qoshiq o'simlik yog'i va qotgan non ushoqlari qolip uchun
Tayyorlash usuli:
1. Eng oddiy keksni tayyorlash uchun bizga tuxum, un, eritilgan saryog', ichimlik sodasi, olma va smorodina kerak bo'ladi. Kerakli masalliqlarni tayyorlab oling.
2. Xona haroratida saryog'ni eritib, shakar kukuni bilan aralashtiring. 10 gramm shakar kukunini keks ustini bezash uchun qoldiring.
3. Bir donadan tuxum qo'shib, mikser yoki venchik yordamida oppoq massa xosil bo'lguncha ko'pirtiring.
4. Aloxida idishga un va ichimlik sodasini solib, aralashtirib oling. Tuxumli massaga unni qo'shib, bir xil konsistensiya xosil bo'lguncha aralashtiring. So'ng mayda to'rg'algan olma va limon sharbatidan qo'shib aralashtiring.
5. Pishirish qolipini saryog' bilan surting va non ushog'idan seping. Tayyor xamirning bir qismini qolipga soling.
6. Xamir ustidan tozalangan smorodinani soling. Xamirning ikkinchi qismini smorodina ustidan soling.
7. Extiyotkorlik bilan keks ustini tekistlang va qizdirilgan pechga joylang.
8. Mevali keksni 200 darajada qizdirilgan pechda 30 - 40 daqiqa davomida pishiring.
9. Tayyor mevali keksni sovuting va shakar kukuni sepib bezating.
Yoqimli ishtaxa!