Bugun sizlarga mukammal xamir retseptini taqdim etamiz. Ushbu xamir nafaqat pirojki va piroglar uchun balki barcha xamirdan tayyorlanadigan taomlarning o'rnini egallaydi. Ushbu xamirning tayyorlanishi juda ham oddiy.
Kerakli masalliqlar:
200 ml smetana
100 ml qaynatilgan suv
500 gramm un
1 dona tuxum
11 gramm quruq xamirturush
1 osh qoshiq shakar
1/2 choy qoshiq tuz
Tayyorlash usuli:
1. Kosaga qaynatilgan issiq suvni quyib, xamirturishni soling.
2. 1 osh qoshiq shakar soling va aralashtiring. 10 - 15 daqiqaga issiq joyga olib qo'ying.
3. Xamirturushli massaga 1 dona tuxumni ozgina tuz bilan qo'shib, ko'pirtiring. 200 ml smetanani mikrovolnovka yordamida xona haroratida isiting va tuxumli massaga qo'shing.
4. Smetana va tuxumli massani asta - sekin aralashtiring. Oz - ozdan unni solib, yumshoq xamir qoring.
5. Tayyor xamirni zuvala qilib, qalin sochiqda yoping. 1 - 1,5 soatga issiq joyga qo'ying.
6. Natijada xamir hajmi 2 martaga ko'payadi. Ushbu xamirni nafaqat piroshki va piroglar uchun balki, bo'g'irsoqlar uchun tayyorlasangiz ham bo'ladi.